"Müasir dünyada hər şeyi bilik, savad, təhsil həll edir." Heydər Əliyev

Dəyərli abituriyentlər və valideynlər! Buraxılış və blok imtahanlarına hazırlıqlarımız Dövlət İmtahan Mərkəzinin proqramı əsasında peşəkar müəllimlər tərəfindən təşkil olunur. Abituriyentlərin kursa qəbulu imtahan əsasında aparılır və öz bilik səviyyələrinə uyğun qruplaşdırılır. Həmçinin cədvəllərimiz səhər və günorta növbələrinə uyğun formada qurulur. Bundan əlavə abituriyentlərin təlim-tərbiyədəki davamiyyəti barədə valideynlər mütəmadi olaraq məlumatlandırılır. Dərslərdən geri qalan abituriyentlər üçün əlavə dərslər təşkil edilir. Abituriyentlər üçün motivasiyedici seminarlar təşkil olunur. Seminarların məqsədi onların öz hədəf və qayələrini düzgün müəyyən etmələrinə kömək etmək, müasir dövrün tələblərinə uyğun, həmçinin bu yolda atılacaq addımlar barədə məlumatlar vermək, vaxtlarını düzgün bölmələrinə yardımçı olmaq və s. dəstəkləyici tədbirlər görməkdir.

Dəyərli Valideynlər! Rəsmi hazırlıq mərkəzi olaraq kursumuz hər il Cambridge English proqramı vasitəsilə sizə övladlarınızın standart ingilis dili hazırlıqlarından fərqli olaraq dünyanın 130-dan çox ölkəsində, 20 mindən çox ali təhsil ocağı və digər müəssisələrdə tanınan beynəlxalq dil sertifikatı əldə etməyinə kömək edir. Cambridge English proqramı övladınızın ingilis dili səviyyəsinin dörd qabiliyyət (reading, writing, listening, speaking) istiqaməti üzrə inkişafını təmin edir və şagirdlər hər səviyyə üzrə imtahanlarda iştirak etməklə beynəlxalq ingilis dili sertifikatı əldə edirlər. Beynəlxalq Cambridge ingilis dili imtahanlarına hazırlıq kurslarımıza müraciət edə bilərsiniz. Bu imtahana hazırlıq eyni zamanda şagirdləri aşağı yaşlardan IELTS imtahanı formatına hazırlaşdırır.

Məktəbəqədər hazırlıq bölməsi fəaliyyət sahələrimizin prioritet istiqamətlərindən biridir. Bu proqram, əsasən, 4-6 yaşlı uşaqlar üçün nəzərdə tutulub. Azərbaycan və rus bölmələri üçün təşkil olunan dərslərimiz müasir və beynəlxalq tədris metodlarından, həmçinin Azərbaycan Respublikası Təhsil Nazirliyinin məktəbəqədər təhsil proqramına uyğun hazırlanmış təlim metodlarından istifadə olunaraq təşkil olunur. Bu proqramın əsasında uşaqların intellektual, fiziki, psixoloji və sosial-emosional inkişafı, potensial imkanlarının üzə çıxarılması, həmçinin məktəbə hazırlanması, sadə əmək vərdişlərinə yiyələnməsi, istedad və bacarıqlarının formalaşması durur.

Mərkəzimizdə təşkil olunan ibtidai siniflər üçün hazırlıq 1-4-cü sinifləri əhatə edir. İbtidai sinif dönəminin əhəmiyyəti hamı üçün qəbulediləndir. Biz də, bu dövrdə Azərbaycan və Rus bölmələri üzrə şagirdlərin öz bilik və bacarıqlarını inkişaf etdirmələri üçün onlara öz dəstəyimizi göstərməkdən məmnunluq duyuruq. Əsasən, Azərbaycan (Rus) dili və riyaziyyat fənlərinin inkişafı üçün ev tapşırıqlarına dəstək və təkmilləşdirmə proqramı təşkil etmişik. Dərslərimiz orta məktəb proqramına uyğun olaraq təcrübəli müəllimlərin iştirakı ilə təşkil olunur. Şagirdlərimizin bilik və bacarıqları həftəlik və aylıq imtahanlar əsasında qiymətləndirilir və boşluqlar əlavə dərslər vasitəsi ilə təmin olunur. Bundan başqa təlim-tərbiyə prosesi ilə bağlı valideynlər davamlı olaraq məlumatlandırılır. İbtidai siniflər üzrə hazırlıqlarımız məktəb dərsləri nəzərə alınaraq səhər və günorta növbələrinə uyğun formada həftədə 5 dəfə ev tapşırıqlarına dəstək və 3 dəfə fənlər üzrə təkmilləşdirmə formasında təşkil olunur.

5, 6, 7, 8-ci siniflər üçün fənlər üzrə təkmilləşdirmə dərslərimiz məktəb dərslikləri və Dövlət İmtahan Mərkəzinin vəsaitləri əsasında peşəkar müəllimlərimiz tərəfindən təşkil edilir. Şagirdlər kursumuza səviyyə müəyyən etmə imtahanları əsasında qəbul olunur və nəticəyə görə də qruplaşdırılır. Bundan başqa dərslərdən geri qalanlar üçün əlavə məşğələlər də təşkil olunur. Həmçinin təlim-tərbiyə prosesi davamlı formada izlənilir, şagirdlərin bilik səviyyələri həftəlik və aylıq imtahanlar əsasında qiymətləndirilir, mütəmadi olaraq valideynlərə övladları barədə məlumat verilir. Şagirdlər üçün seminar-görüşlər təşkil olunur. Bu görüşlərin məqsədi onların öz hədəf və qayələrini düzgün müəyyən etmələrinə kömək etmək, müasir dövrün tələblərinə uyğun seçim etmələrinə, həmçinin bu yolda atılacaq addımlar barədə məlumatlar vermək, vaxtlarını düzgün bölmələrinə yardımçı olmaq və s. dəstəkləyici tədbirlər görməkdir.